قصيدة بروح وطنية ( أنا سعودي رآية العز حدّي )

سم الله الرحمن الرحيم

أنا سعودي

أعلنت في وجه الظروف التصدي
بكسر عناد الوقت وأقطع حدادي

ماهو جديد إن وقف الوقت ضدي
بس الجديد أعلنت قمّة عنـادي

ياوقت فرّق بين هزلـي وجـدي
نويت والنيـة أحقـق مـرادي

أبجتهد وأشوف لوكنـت قـدي
وأكيد بجني من ثمار أجتهـادي

أول أجاري الوقت وآقول عـدي
مادام تمشي بالتساهيـل عـادي

وأناأعرف أني ند من كان نـدي
لكني أؤمـن بالتحـاد الأيـادي

مديت يدي كان لك شـف مـدي
قبل أمتطي فعلاً لصهوة جـوادي

ماعاد ينفـع وقتهـا تستجـدي
وأنا لها لامن دعانـي المنـادي

أنا سعودي رايـة العـز حـدي
أجمل علم بالكون رايـة بـلادي

السيف فيها رمـز ردع التـردي
يرد به ظالـم ويخشـاه عـادي

أما الشهادة حق منـع التعـدي
والله وعد ( جنات خلد لعبادي )

يعني حياة بعـز أكبـر تحـدي
في وقت كل(ن) غايتة إضطهادي

وأنا أكتسبت العز من جد جـدي
منهم تعلمـت الوفـا والمبـادي

نصر أو شهادة مالها حـل ودي
قررت وأعلنت وبديت ابجهـادي

جزاك ربي الف خير

تسلمييين قلبي...

الله يسلمكم مشكورين