السلام عليكم ورحمة الله وبركاته
قصيده قوييييييييه ارجو ان تنال اعجابكم
^
^
^
^
^
^
^
^
لحظه ترى ماجيت اقدم لك اعذار : لحظه وبعدها سوي اللي تسوين
لحظه بصحح بيننا بعض الافكار : واقول لك حاجه قبل ماتقولين
لاتحسبني بانثر الدمع وانهار : والا اترجى واطلبك ماتروحين
روحي عسى دربك بساتين وازهار : روحي وغيري بالمخاليق تلقين
صحيح لك بالقلب حشمه ومقدار : لكن شسوي لك اذا ماتحسين
لي قلب لامنه عشق حيل مدرار : ومن الغلا عندي يكفي ملايين
بس ان لقي صد وجفى صار جبار : واقدر افارق واهجرك لاتخافين
يابنت انا لي عزتي وباخذ الثار : وابغي انصحك لارحت اصحى تنادين
ماني براجع لاتقولين وش صار : لاتساليني ليه وانتي تعرفين
غيرك تمنوني وبالعب وبختار : واعشق بدالك الف وحده بيومين
انتي رصيدك بالغلا عندي اصفار :ماهو بذنبي ماعرفتي تحبين
كل الذي لاجلك كتبه من اشعار : والله خساره فيك ماتستحقين
حتى صورك اللي من العام تذكار : بادوسها وانتي قبالي تشوفين
ياما عطيتك الف انذار وانذار : اقدر افارق قلت لك لاتحدين
واليوم انا ليه اتعب النفس واحتار : دامك جرحتيني وكنتي تسلين
ان كنت حي ومن طويلين الاعمار : لاجرح بدال الجرح تسعه وتسعين
والحين بالله خلي دموعك امطار : وباحاول اضحك طول مانتي تصيحين
امل ان تنال اعجابكم
موضوع: قصيده قوووووووووووويه تبرد القلب .... 
الخميس أبريل 16, 2009 4:46 am
